Ауа райына байланысты бірнеше өңірде ескерту жарияланды

16 тамыздағы ауа райына байланысты бірнеше өңірде ескерту жариялады деп хабарлады turkystan.kz.

Синоптиктердің болжамы бойынша, Ақтөбе облысының батысында, солтүстігі мен оңтүстігінде шығыстан және оңтүстік-шығыстан жел соғады, екпіні 15-20 м/с артады. Күндіз облыстың батысында 35 градус ыстық сақталады.

Күндіз Қызылорда облысының орталығында шаңды дауыл күтіледі. Жел солтүстіктен, солтүстік-шығыстан соғады, облыстың орталығында күші 15-20 м/с. Өңірдің басым бөлігінде төтенше өрт қаупі сақталады.

Күндіз Солтүстік Қазақстан облысының оңтүстік-батысы мен шығысында солтүстік-батыстан жел соғады, екпіні 15-20 м/с күшейеді.

Күндіз Ақмола облысының батыс бөлігінде солтүстік-батыстан соққан жел солтүстік-шығысқа ауысып, жылдамдығы 15-20 м/с құрайды.

Жетісу облысының солтүстік-шығысында жел соғады, екпіні 25 м/с болуы мүмкін.