Аймақтың алыс-берісі артып келеді

Қазіргі таңда сауда саласы облыс экономикасының басым бағыттарының бірі болып табылады. 2021 жылы облыстың бөлшек саудасы 371,8 млрд.теңгені құрап, 2020 жылға қарағанда 104,5% өсті. Көтерме сауда 309,1 млрд. теңгені құрап, 106%-ға ұлғайған.

Сыртқы сауда айналымы 47%-ға артып, 262,5 млн. АҚШ долларын құраған, соның ішінде экспорт – 11,4%-ға артып, 65,7 млн. АҚШ доллары, импорт – 64,5%-ға өсіп, 196,8 млн. АҚШ доллары болды.

ЕАЭО елдерімен өзара сауда да 28,3%-ға ұлғайып, 318,8 млн. АҚШ доллары болған, оның ішінде экспорт – 101,1 млн. АҚШ доллары (19,4%-ға өскен), импорт – 217,7 млн. АҚШ доллары (32,9%-ға ұлғайған) болған.

2022 жылдың қаңтар-ақпанында бөлшек сауда көлемі 52,4 млрд.теңгені құрап, 104,1%-ға өскен.

Көтерме сауда ағымдағы жыл басынан бері 38,7 млрд. теңгені құрап, 106,5%-ға артқан.

Ағымдғы жылдың қорытындысы бойынша бөлшек сауда айналымының көлемі 386,6 млрд. теңгені, нақты көлем индексі 104%-ды құрайды деп болжануда.

Есепті кезеңде сыртқы сауда айналымының көлемі 2021 жылдың осындай кезеңімен салыстырғанда 5,2%-ға төмендеп, 27,3 млн.АҚШ долларын құраған, оның ішінде экспорт – 8,7%-ға өсіп, 10,0 млн. АҚШ доллары, импорт – 11,7%-ға азайып, 17,3 млн. АҚШ доллары болған.

2022 жылдың қаңтар айында облыстың ЕАЭО елдерімен өзара саудасы 18,4 млн. АҚШ долларын құрап, 2021 жылдың қаңтарымен салыстырғанда 17,3%-ға артқан, оның ішінде экспорт – 4,1 млн. АҚШ доллары (1,5%-ға азайған), импорт – 14,3 млн. АҚШ доллары (24,1%-ға өскен) болған.