Қала көркі күннен күнге көз тарта түспек

Мұхтар Әуезов атындағы №33 орта мектебінің мәжіліс залында қала әкімі Ержан Жылқыбаевтың халық алдындағы есебі өтті. Жиынға облыс әкімі Бердібек Сапарбаев пен тұрғындар қатысты.
– Қала аумағында көшелердің барлығы асфальт алып, жол мәселесі шешімін табады. Және де шаһардағы барша көшелер жарықтандырылады. Бұл жақсы іс бүгіннен бастау алып, үш жыл ішінде толық аяқталады, қала жаңарып, жарықтандырылады, көркі көз тарта түседі,- деді облыс әкімі Бердібек Сапарбаев. Басқосу барысында алдымен барша атқарылған іс шаралар жөнінде бейнеролик көрсетілді.
Шарада сөз алғашқы болып сөз алған облыс басшысы өткен жылы атқарылған жұмыстар жөнінде тереңінен тоқталып, , алда тұрған жоспарлармен бөлісті. Қала әкімі шаһардың жаңалықтары жайлы кеңінен баяндап, тұрғындар тарапынан қойылған сауалдарға да тұщымды жауаптар берді.