«Қалаулымнан» теңін таппаған қыз да араб жігітінің етегінен ұстады

Атышулы «Қалаулым» жобасына қатысқан Дина Төкенова жақында тұрмысқа шықпақ. Бағдарламада жолы болмаған ол енді араб жігітін таңдапты деп хабарлады turkystan.kz.

Ол сүйіктісінің Дубай қаласындағы биік ғимараттардың бірінде үйленуге ұсыныс жасаған видеосын өзінің Instagram-дағы парақшасына салды.

Тізерлеп отырып сақинаны ұсынған араб жігітіне қазақ қызы бірден «иә» деп жауап берген. Осыдан кейін Дина Төкенова өзіне көп сұрақтар келіп түсіп жатқандықтан, оларға жауап беруді жөн санапты.

«Ал ең қатты мазалап жатқан сұрақтарыңызға жауып берейін. Ұлты – араб! Ешқандай шал емес. Шалдар бұлай билей алмайды. Одан кейін айтарым, ол – бай емес. Дина ақша үшін шығып жатыр, байып кетеді деп уайымдамай-ақ қойыңыздар. Арамызда байлықтан да қымбат махаббат бар», – деді қалыңдық.