Жас ғалымдардың басшылық қызметке тағайындалу тәртібі жеңілдетілді

«Байқауға қатысу үшін бұрынғыдай кем дегенде 5 жыл ғылыми-зерттеу институттарында басшылық қызмет ету талап етілмейді. Осы тармақты алып тастау бойынша жұмыс жүргіздік. Енді мамандық бойынша кемінде 5 жыл жұмыс өтілі, ал философия докторы (PhD), өз саласы бойынша доктор, ғылым кандидаты немесе ғылым докторы дәрежесінде кем дегенде 3 жыл жұмыс өтілі жеткілікті», – деді ҚР БҒМ Ғылым комитетінің төрағасы Жанна Кұрманғалиева.

Естеріңізге салайық, 28 қаңтарда Комитет 7 ҒЗИ басшылығы қызметіне конкурс жариялады. Құжаттар 11 ақпанға дейін (қоса есептегенде) қабылданады. Үміткерлерге қойылатын талаптар мен конкурсқа қатысуға арналған құжаттар тізімі бар барлық хабарландырулар Ғылым комитетінің сайтында орналастырылған.