Ақтөбеде адам өлтірді деп айыпталып, ауруханадан қашып кеткен күдікті ұсталды
Ақтөбедегі ауруханадан қашып кеткен күдікті ұсталды. Бұл туралы облыстық ҚАЖД баспасөз қызметі хабарлады, – деп хабарлайды «Jambyl-Taraz» ақпарат агенттігі Tengrinews.kz сайтына сілтеме жасап.
«Дерек бойынша Ақтөбе облысының Полиция департаменті соталды тергеуді бастады (Қазақстан Республикасы Қылмыстық кодексінің 426-бабы «Бас бостандығынан айыру орындарынан немесе қамаудан қашу»). Оқиғаның себептері мен мән-жайын анықтау үшін Қазақстан Республикасы Ішкі істер министрлігінің Қылмыстық-атқару жүйесі комитеті қызметтік тексеру жүргізеді. Тексеру нәтижелері бойынша қолданыстағы заңнамаға сәйкес шаралар қабылданады», – деді Ақтөбе облысы ҚАЖД баспасөз қызметі өкілдері.
Айта кетейік, 23 қаңтарда таңертең Ақтөбе жедел медициналық жәрдем ауруханасының хирургиялық бөлімшесінде емделіп жатқан ер адам қамаудан қашып кеткені хабарланған болатын.
