Алматыда бренд киімдер дүкенін тонағандар ұсталды
Алматы қаласы Алмалы ауданында киім-кешек пен аяқкиім сататын дүкенді тонап кеткен үш ер адам ұсталды. Бұл туралы Алматы Полиция департаменті бастығының тергеу жұмысы жөніндегі орынбасары Рустам Абдрахманов Instagram парақшасында мәлімдеді, – деп хабарлайды «Jambyl-Taraz» ақпарат агенттігі Tengrinews.kz сайтына сілтеме жасап.
Қазақстанның түрлі облыстарының 39, 37 және 33 жастағы үш тұрғыны жаппай тәртіпсіздікті пайдаланып, Гагарин көшесінде орналасқан киім-кешек дүкенін тонаған.
«Олар ұрланған киімдерді мөлшері мен маусымына қарай сұрыптап қойған. Олардың басқа да қылмыстарға қатысқаны анықталды, ол үшін де жаза қолданылады», – деді Алматы ПД бастығының орынбасары.
Алмалы аудандық ПБ тергеушілері сотқа дейінгі тергеу амалдарын жүргізеді.
