TikTok-тан Қайрат Нұртастың «егізі» табылды

TikTok әлеуметтік желісінен Қайрат Нұртастан аумайтын жігіт табылды. Turandos есімімен тіркелген азаматты көпшілік хитменнің «егізіне» ұқсатты, деп жазады «Jambyl-Taraz» ақпарат агенттігі Stan.kz cайтына сілтеме жасап.

Қайратқа ұқсайтын жігіттің 620 ғана оқырманы бар. Есесіне желіде жариялаған небәрі 5 видеосына қалдырылған лүпілдер мен пікірлер саны толассыз. Оқырмандардың басым дені оның Қайратқа ұқсайтынын айтқан.

«Әли-Экспресстен келген Қайрат Нұртас», «Қайрат деп ойлап қалдым», «Қайраттың ағасымын десеңіз, елдер сенеді», «Копия», «Алланың құдіретін-ай, қатты ұқсайды екен Қайрат Нұртасқа», «Қайраттың сыңары, копия ғой», «Бауырым, баласы емессің ба? Аумай қалыпсың», – деп таңданды оқырмандар.

Ал жас жігіттің өзі ешқандай ақпарат қалдырмаған. Видеоларда Қайраттың әнін қосып, дайындықта жүргендей түр келтірген.