Қызылордада ауыл әкімдігі 1,5 млн теңгеге дәптер сатып алмақ болған

Қызылорда облысының шенеуніктері бір жарым миллион теңгеге дәптер сатып алмақ болған. Жаңақорған кенті әкімінің аппараты мемлекеттік сатып алу сайтында осындай лот жариялаған, деп хабарлайды «Jambyl-Taraz» ақпарат агенттігі Stan.kz  сайтына сілтеме жасап.

Хабар 24 арнасының мәліметінше, Сыбайлас жемқорлыққа қарсы күрес ведомствосының қызметкерлері бағаның негізсіз көтерілгенін анықтап, алдын алған.

Жыл басынан бері облыста осындай 70-тен астам факт анықталды, соның арқасында 3 млрд теңгеден астам қаражат үнемделді. Ведомство, әсіресе, құрылыс саласындағы мәмілелерді мұқият тексереді. Мысалы, Қызылорда әкімдігі жылу желілерін ауыстыру түрінде шағын қосалқы бөлшектердің құнын 147 млн теңгеге бағалады. Ал Арал ауданында магистральды су құбырын төсеуге және тас жол бойындағы тұрғын емес нысанды тұрғызуға жарты миллиард теңгеге жуық қаражат сұралды. Күдікті жобалар қайта есептеуге жіберілді.

Сыбайлас жемқорлыққа қарсы қызмет мамандары құқық бұзушылықтардың көпшілігі қарапайым азаматтардың мұқияттылығының арқасында анықталғанын атап өтті.

«Айта кету керек, қазіргі уақытта 38 жемқор әшкереленді. Олардың бірі – республикалық, 8-і облыстық, 6-уы аудандық және қалалық деңгейлердің басшылары. Оның ішінде құқық қорғау органдарының, арнайы органдардың қызметкерлері де бар. Сыбайлас жемқорлықтың 5 жүйелі фактісі анықталды. Негізінен бұл мәселелер жергілікті мемлекеттік органдарда, квазимемлекеттік секторда және Мемлекеттік сатып алу саласында әшкереленді.