Сайлаушыларға әннен шашу шашты

Бүгін елімізде алғаш рет Құрылтай сайлауы өтіп жатыр. Маңызды саяси науқаннан Тараз қаласындағы өнер ұжымдары да шет қалмай, сайлаушыларға көтеріңкі көңіл-күй сыйлауда.

Атап айтқанда, №8 мектеп-гимназиясында орналасқан №28 сайлау учаскесінде «Маричка» вокалдық тобы өнер көрсетіп, сайлаушыларға әннен шашу шашты.

Айта кетейік, аталған сайлау учаскесінде барлығы 2 439 сайлаушы болса, оның ішінде 18 жасқа енді толған 16 адам алғаш рет өз таңдауларын жасайды.