Сарапшылар қазақстандықтарды сайлау кезеңінде тек ресми ақпаратқа ғана сенуге шақырды

Қазақстанда сайлауалды үгіт-насихат науқаны қарқын алып келеді. Кандидаттар теледебаттарға белсенді қатысып, дәстүрлі бұқаралық ақпарат құралдарында сөз сөйлеп қана қоймай, әлеуметтік желілер мен цифрлық платформаларды да кеңінен пайдаланып жатыр.

Сонымен қатар сарапшылар қазақстандықтарды сайлау кезеңінде тек ресми ақпаратқа ғана сенуге шақырды. Олардың айтуынша, сайлау науқаны басталғалы бері жалған ақпарат тарату жағдайлары айтарлықтай көбейген. Интернетте кандидаттардың суреттері заңсыз пайдаланылған жазбалар жиі жарияланып жатыр.

Сарапшылардың еске салуынша, дипфейктерді жасау және тарату үшін қылмыстық жауапкершілік көзделген.