МӘМС – әр адамға қолжетімді медицина: 2 рет инсульт алған Тараз тұрғыны аман қалды

Тараз қаласының тұрғыны, 58 жастағы Гүлжан Жанадилова екінші рет инсульт алып, шұғыл қалалық көпбейінді аурухананың және консультативтік-диагностикалық орталықтың инсульт орталығына жеткізілген. Дәрігерлердің жедел әрекетінің арқасында ол қалалық көпбейінді аурухананың инсульт орталығында тиісті емін алып, өмірі үшін күресті.
«Пациент ауруханаға түскен кезде қан қысымы өте жоғары болды, өзін өте әлсіз сезінген., Бір апта емнен кейін жағдайы жақсард, 1-2 күнде үйіне шығады», — дейді невролог Арайлым Ашықбаева.
Өз кезегінде науқас та өз алғысын жеткізді.
«Маған өмір сыйлаған дәрігерлерге мың алғыс. Күндіз-түні жанымда болып, қамқорлық танытты. Ал МӘМС жүйесінің арқасында барлық ем тегін болды. Сіздердің еңбектеріңіздің арқасында денсаулығым жақсарды», – деді Гүлжан Жанадилова.