Жамбыл облысы Тараз қаласының қан орталығында «Өмір сыйла» қайырымдылық акциясы өтті. Оған Жамбыл облысы ҚХА «Ассамблея жастары» республикалық жастар бірлестігінің өкілдері, Жамбыл облысы әкімдігінің ІСБ «Қоғамдық келісім» КММ қызметкерлері қатысты.
– Бүкіл ел үшін осындай қиын уақытта қолдау көрсеткені үшін шынайы алғысымды білдіремін. ҚХА әр түрлі төтенше жағдайларда көмек көрсету бойынша әрдайым алдыңғы қатарды бастап тұр, – деді акция барысында ҚХА мүшесі, қан орталығының директоры Гулам Умаров.
Айта кету керек, қан орталығы ұсынған ақпаратқа сәйкес, соңғы күндері қан орталығына 700-ге жуық адам келген.