Аулаларды абаттандыру жоспары аясында шаһарда биыл 14 балалар алаңы салынады. Ал үш жылдық жоспарға сәйкес облыс орталығының аумағында 150 аула абаттандырылмақ. Қазіргі таңда биылға межеленген 14 ауланың 5-і толығымен аяқталса, 9-ы таяу күндері ел игілігіне ұсынылмақ,-деп хабарлайды «Jambyl-Taraz» ақпарат агенттігі.
Айталық, Сағындықов көшесінде орналасқан көпқабатты үйлердің ауласында бой көтергее ойын алаңшасы – соның бір көрінісі. Тұрғын үй салынғалы бері бұл жердің ауласы ешқашан абаттандырылмаған. Құны 20 млн тұратын ойын алаңында кішкентай бүлдіршіндерден бастап ересектердің де салауатты өмір салтымен айналысуына бар жағдай жасалған.