Қалалық қоғамдық-саяси газет

Ыстық су қашан беріледі?

0 57

Өңірлік коммуникациялар қызметінде жыл сайын тұрғындардың наразылығын тудыратын ыстық су мәселесіне қатысты баспасөз конференциясы өтті.

Сәндібек Піренов

Баспасөз конференциясында Жамбыл облысы әкімдігінің энергетика және тұрғын үй-коммуналдық шаруашылық басқармасының бөлім басшысы Князь Тұртаева, «Таразэнергоорталығы» АҚ президенті Әбутәліп Серікбаев және Тараз қаласы әкімінің орынбасары Асхат Есеналиев жөндеу жұмыстары жайында баяндады.
– Ағымдағы жылдың 1 шілдесінен бастап облыстың жылумен жабдықтаушы кәсіпорындары алдағы жылыту маусымына уақтылы дайындалу мақсатында бекітілген жоспарларға сәйкес жылу желілерінде қысыммен тексеру және жөндеу-қалпына келтіру жұмыстарын бастады. Қазіргі таңда тамыз айынан бастап ыстық су беру мақсатында жұмыстар 3 ауысым бойынша жүргізілуде. Енді РК-4 аудандық қазандығынан ыстық су беру жоспарлануда. Осы ретте қазандықтан ыстық сумен қамтылатын 612 көпқабатты тұрғын үйдің бар екенін айта кеткен жөн, – Князь Тұртаева.
Баспасөз конференциясында жауаптылар «Жұмыспен қамтудың жол картасы» бағдарламасы аясында жүргізіліп жатқан жұмыстарды 2 аптаның ішінде аяқтау жоспарланып отырғанын айтты. Сондай-ақ барлық 17 жобаға 1,8 млрд теңге бөлінсе, қала бойынша 7 жоба (8 көшеде) іске асырылуда. Ендігі кезекте қарқын алған жұмыстар аяқталғаннан кейін үйлерге кезең-кезеңмен ыстық су қосылатын болады. Енді тұрғындарды екіұдай ойда қалдырған сұрақтың нақты жауабы белгілі болғандай. Жоспарлы жұмыстар айтылған жерінде қалмай, уақтылы аяқталса игі.

Пікір қалдырыныз

Your email address will not be published.