Қалалық қоғамдық-саяси газет

Коронавирустың қай штамы ең қауіпті саналады?

0 131

Елімізде нигериялық «Ета» штамына қатысты індеттің жаңа толқыны басталмайды. Бұл туралы профилактикалық медицина академиясының президенті Алмас Шарман айтты, деп хабарлайды «Jambyl-Taraz» ақпарат агенттігі Stan.kz сайтына сілтеме жасап.

Бұл босаңсуға себеп емес. Өйткені әлемде қауіптілігі жағынан ковидтың «Дельта» штамынан артық қауіпті мутациясы жоқ.

“Коронавирустың «Ета» нұсқасы індеттің жаңа толқынына әкеледі, ол өте қауіпті немесе аса жұқпалы деген мазмұнда ақпарат жоқ. Сондықтан бұл штамм дәрігерлерді қауіптендіріп отырған жоқ. Біз қазір «Дельта» штамымен күресіп жатырмыз. Ол әлдеқайда қауіптірек”, – дейді Алмас Шарман.

«Ета» штамын жұқтырғандар күрт көбейіп жағдай ушығады деген қауіп жоқ. Әрі қазір елімізде қолданылып жатқан вакциналар індеттің жаңа нұсқасынан да қорғай алады.

Өкініштісі сол,  халықты екпемен қамту деңгейі бізде әлі төмен дейді маман. Ал иммунизациядан өткендер үлесі артқан сайын, вирус күшін жояды.

Сөйтіп ол қарапайым инфекцияға айналып, эндемикалық ауру болып қалып қояды. Сондықтан академик екпе алудың маңызы зор екенін тағы бір еске салды.

Пікір қалдырыныз

Your email address will not be published.