Қалалық қоғамдық-саяси газет

Динара Сұлтанның күйеуі лауазымды қызметке тағайындалды

0 172

Динара Сұлтанның жолдасы Ерлан Қожасбай лауазымды қызметке келді. Ол Қазақстан грек-рим, еркін және әйелдер күресі федерациясының президенті болды,-деп хабарлайды «Jambyl-Taraz» ақпарат агенттігі Stan.kz сайтына сілтеме жасап.

Ұлттық федерацияның кезектен тыс конфедерациясында Ерлан Қожасбайды Қазақстан грек-рим, еркін және әйелдер күресі федерациясының президенті етіп тағайындау туралы шешім қабылданды.

Ерлан Қожасбай бұған дейін осы ұйымның вице-президенті болды.

Ерлан Қожасбай мен Динара Сұлтан “Екі жұлдыз” жобасында танысып, көңіл жарастырды. Ерлі-зайыпты Дубай қаласында бірнеше жыл тұрып келді. Арада он жыл өткенде заңды некеге тұрды.

Айта кетейік, Динара Сұлтан мен жолдасының үйлену тойы 2019 жылдың жаз айында дүбірлеп өтті. Алайда әнші жұбайы жайлы ақпаратты құпия ұстауды жөн деп санайды.

«Сынған кесені ешуақытта орнына жабыстыра алмайсың. Шынымен де, өзінің отбасы болды, өзінің үлкен балалары бар. Мен сол кезде жас болсам да, барлығын түсініп тұрдым. Кезімде «Керек емес шығар» деп айттым. Ол «Сынған ыдысты орнына келтіре алмайсың» деді. Мүмкін жанұяларында бір проблема болған шығар. Ол өз қалауымен ажырасып кетті. Әрине, ол кезде ұрыс-керіс болғаны анық. Мен оны ештеңеден, ешкімнен жұлған жоқпын, тартқан емеспін», – дейді Динара Сұлтан.

Ерлі-зайыпты ортақ бес баланың ата-анасы. Динара Сұлтанның да, Ерлан Қожасбайдың да алғашқы некесі туралы ақпарат айтылмайды.

Динара Сұлтан 2006 жылы SuperStar.kz сайысына қатысқаннан кейін танымалдыққа ие болады. Әйгілі China Town тобында өнер көрсетті, ал 2009 жылдан бастап жеке әнші ретінде сахнаға шықты.

Пікір қалдырыныз

Your email address will not be published.