Қару мен қаламды қатар ұстаған
«Ел болып оқимыз» жобасы аясында ерлік сағаты өтті
Ш.Уәлиханов атындағы облыстық әмбебап ғылыми кітапханасы «Ел болып оқимыз» жобасы аясында тағылымды іс-шара ұйымдастырды. Шара қазақ халқының мақтанышы, Ұлы Отан соғысы жылдарында ел мен жер үшін от кешкен ержүрек қолбасшы, аты аңызға айналған жауынгер, қаламы мен қаруы қатар жүрген ұлы тұлға – Бауыржан Момышұлының 115 жылдық мерейтойына орай «Қару мен қаламды қатар ұстаған қазақтың қаһарман батыры» атты ерлік сағатын өтті.
Іс-шара Жеңіс саябағындағы «Данқ» залында өтті. Іс-шара барысында оқырмандар музей экспозициясындағы Бауыржан Момышұлының жеке заттары, соғыс жылдарындағы фотосуреттері, қолжазбалары мен сирек кездесетін мұрағаттық материалдармен танысумен басталды. Сонымен қатар, батырдың соғыста жасаған ерліктері мен өткір туындыларымен жан-жақты таныстырып, оқырмандардың бойында патриоттық рухты оятты.
Кітапхана қызметкерлері қатысушыларға ардақты батырдың шығармалары негізінде жасақталған «Тау тұлға, дара тұлға Бауыржан» атты тұрақты кітап көрмесіне шолу жасап, құнды туындылармен таныстырды.
