Ауданда ауылшаруашылығы саласын өркендетуге көңіл бөлініп, шаруалар мен кәсіпкерлерге кәсібін дөңгелетуге қолайлы жағдайлар жасалуда,-деп хабарлайды «Jambyl-Taraz» ақпарат агенттігі.
Саланы тиімді дамыту үшін бірінші кезекте техника мәселесі дұрыс шешілуі керек. Жалпы, Жуалы ауданында ауылшаруашылығы техникалары 1596 дананы құрайды. Жыл басында лизинг арқылы 160 техника алу жоспарланған. Жоспарға сәйкес жыл басынан бері лизинг арқылы 134 техника алынып, желтоқсан айында 26 жаңа техникамен толықтырылды. Оның 4еуі трактор, 22-і тіркеме мен басқа да техникалар. Келер жылы да 160 техника алу жоспарда бар.
Сонымен қатар 2022 жылдың өнімі үшін егілетін ауылшаруашылығы дақылдарының егістік жерлерін дайындау барысында күз айларында 48 717 гектар (2021 жылы 47 510 га) сүдігер көтерді. Бұл өткен жылмен салыстырғанда 1207 га артық орындалып отыр. Сүдігер көтеру ылғал сақтауда, өсімдік зиянкестерімен күресте және дақылдардың өнімділігін көтеруде әсері мол. Сонынмен қатар 2022 жылдың өнімі үшін 9700 гектар жерге күздік бидай дақылы егілді.