Облыс бойынша бірнеше жылдан бері сәтті жүзеге асырылып келе жатқан «Асарлатып үй салу» жобасы Меркі ауданында да жалғасын табуда. Айталық, Кеңес ауылында жемісті жоба аясында тағы бір отбасы баспаналы болды.
Жалпы бұл үй – Кеңес ауылында «Асар» аясында соңғы үш жылда беріліп отырған төртінші үй. Кеңестіктер осыған дейінгі үш үйді жаңадан салып берсе, бұл жолы ақсақалдар бастаған жергілікті қауымдастықтың шешімімен жас отбасы Ардақ Оразов пен Дәрігүл Алуашованың отбасына дайын үй сатып алып берілді.