Меркі ауданындағы Асанбай Асқаров атындағы тірек мектеп-гимназиясында «Қадам» атты жас ғалымдар кабинеті салтанатты түрде ашылды. Мақсат – кәсіби біліктілікті арттыру, тәжірибе алмасу және жас ғалымдарды қолдау.
Аталған шараға Жамбыл облысындағы Мұхаммед Хайдар Дулати атындағы Тараз университетінің әртүрлі саладағы ғалымдары арнайы қатысты. Қонақтарға мектеп оқушыларының қолөнер бұйымдарынан жасалған көрме ұсынылып, жұмыстары таныстырылды.