Өткен жылы 2021 жылдың басында Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында ауылдардың, ауылдық округтерінің, кенттердің және аудандық маңызға ие қала әкімдерінің сайлауы өтетінін айтқан болатын.
Бүгін Жамбыл ауданы, Тоғызтарау ауылдық округінде сайлау өтуде.
Ауылда 1 сайлау учаскесі бар.
Тоғызтарау, Құмсуат, Жаңа өткел ауылдарының тұрғындары №179 сайлау учаскесіне келіп, өз дауыстарын беруде. Округте дауыс берушілер саны 427 тұрғынды құрайды.
Сайлау учаскесі бүгін таңғы сағат 7:00-ден бастап сайлаушыларға есіктерін айқара ашты.
Кешкі сағат 20:00-де дауыс беру тоқтатылады.
Қазіргі таңда дауыс беру жұмыстары қарқынды жалғасуда.
Жамбыл ауданы әкімдігінің баспасөз қызметі