Таныстырылым 12 қыркүйек күні тынықмұхиттық уақыт бойынша сағат 10:00-де Apple Park-те өтеді. Дәстүр бойынша Стив Джобс қатысып келген басты медиа оқиға биыл да Apple-дің ресми сайтында және компанияның YouTube арнасында дүниежүзіне тікелей эфирде көрсетіледі.
iPhone 15 сериясы көпшіліктің бір жыл бойы ұзақ күткен өнімі, бірақ компания өзініің жанкүйерлерін жаңа смарт-сағаттар мен аксессуарлармен қуантады деген болжамдар айтылуда.
Apple Watch Series 9 моделі жаңартылған Apple S9 кремний корпусы, жаңа қызғылт түсті нұсқасы және оған арналған жаңартылған жолақтары бар тағылатын құрылғылар тізімін бастайды. Дегенмен, жаңа модельдің дизайны Apple Watch Series 8 сияқты қалатын сияқты.
Биылғы Apple-дің басты іс-шарасында Apple Watch Ultra екінші буыны таныстырылады деген сыбыстар бар. Ол да S9 процессорына негізделетін болады, бірақ алдыңғы нұсқаға қарағанда көлемі аз болуы мүмкін, өйткені девайсты құрастыруда 3D басып шығарылатын бөліктер қолданылған.
Сатып алушыларға бұл жолы қараңғы түсті модель ұсынылады, бірақ фитнес және ұзақ мерзімділік сипаттарында айтарлықтай маңызды ештеңе өзгермейді. Apple осы жылы былғарыдан бас тартып, олардың орнына iPhone-ға арналған матадан жасалған аксессуарларды қолданбақшы.
iPhone 15 сериясы таныстырылымның басты оқиғасы болады деп күтілуде. Өйткені, жаңа смартфонда үлкен өзгерістер жоспарланған. iPhone 15 және оның Plus нұсқасы қайық тәрізді ойықты жойып, оның орнына Dynamic Island эстетикасын қабылдайды деп хабарлайды.
Өкінішке орай, экранды жаңарту жиілігі қайтадан 60 Гц-ке дейін шектеледі деген болжамдар айтылуда, бірақ камераның жаңартулары қолданушыларды таңқалдырады деп хабарлануда. Негізгі өзгерістер қымбатырақ Pro модельдерінде болатынға ұқсайды.