Қазіргі таңда техника, технология жетістіктерін шеберлікпен пайдаланудың арқасында мемлекеттік органдар мен үкіметтік ұйымдар ел азаматтарымен тұрақты қарым-қатынас жасаудың тиімді жолдарын осы «электронды үкімет» жүйесі арқылы тапты. Мұның тиімді жақтары айтарлықтай. Қажетті ақпаратты жедел береді, мемлекеттік қызмет көрсетуді тиімді етеді және шығынның аздығымен әрі ашық, жариялылығымен ерекшеленеді. Үкіметтік ұйымдардың да өзара тығыз байланыста жұмыс істеуіне елеулі ықпал ете алады.
Үкімет ұсынған қызметтерді халық ақпарат алмасудың жылдамдығы арқасында тез меңгеруде. Керекті құжаттың электронды нұсқасын пайдалану арқылы қағазбастылық артта қалып, халыққа қызмет көрсету сапасы артып келеді. Бұл – электронды үкіметтің игілігі. Ал электронды құжат экономиканы дамытудың негізгі тетігі екені анық.
Қазақстандағы баланың оқуын аяқтағанға дейінгі негізгі құжаты туу туралы куәлік болып табылады, онда барлық негізгі мәліметтер: аты, әкесінің аты, баланың тегі, туған жылы мен күні, туған жері, әкесінің, анасының толық аты-жөні, ЖСН (жеке сәйкестендіру нөмірі, ол туғаннан бері беріледі). Бүгінгі таңда Қазақстанда баланың туу туралы куәлігін тіркеуге және алуға өтініш берудің бірнеше жолы бар:
– ХҚКО-ға өтініш беру;
– «egov.kz» порталы (Қазақстан Республикасының электрондық үкімет порталы) арқылы онлайн режимінде;
– SMS арқылы (баланың тууын проактивті тіркеу);
– Қазақстан Халық Банкінің «Halyk Homebank» және «Каspi.kz» мобильді қосымшасы арқылы.
«Halyk Homebank» және «Каspi.kz» қосымшасының мүмкіндіктерінің арқасында туу туралы куәліктің иесі болу оңай әрі жылдамырақ болады. Ол үшін «Halyk Homebank» және «Каspi.kz» қосымшасында екі қарапайым қадамды орындау қажет: «Мемлекеттік көрсетілетін қызметтер» бөлімінде «Туу туралы куәлікті алу» қызметін таңдаңыз; Электрондық сауалнамада қысқаша ақпаратты толтырыңыз: ата-аналар үшін; АХАЖ (азаматтық хал актілерін тіркеу) туралы туған балаға (олардың ауданын көрсете отырып, балалар). Құжаттың дайындығы туралы хабарламаны алғаннан кейін Сіз: туу туралы куәлікті (түпнұсқаны) өзіңіз көрсеткен ХҚКО-дан алуға; сандық нұсқаны «Цифрлық құжаттар» бөлімінде пайдаланыңыз.
Еске салайық, 15 шілдеде Мемлекет басшысы Қасым-Жомарт Тоқаев «Кейбір заңнамалық актілерге инновацияларды ынталандыру, цифрландыруды дамыту, ақпараттық қауіпсіздік және білім беру мәселелері бойынша өзгерістер мен толықтырулар енгізу туралы» Заңға қол қойған болатын. Электрондық құжаттар ресми түрде қағазға теңестіріледі. Енді туу, некеге тұру, некені бұзу, қайтыс болуды мемлекеттік тіркеуден өткеннен кейін азаматтың «Egov» жеке кабинетіне анықтамалар жіберілетін болады. Бұл ретте өтініш берген жағдайда сертификаттардың қағаз нұсқаларын алу құқығы сақталады.
Тараз қаласы әкімі
аппаратының мемлекеттік көрсетілетін қызметті
мониторингілеу бөлімшесі