Тазалық — қоғамның парасаттық деңгейінің айқын көрінісі. Тазалық таза ұстаған жерде ғана орнайтыны тағы бар. Бүгінде шаһар тазалығына айрықша мән берілуде. Осыған орай «Алатау» (8) мөлтек ауданы, 41 үй тұрғындарының ұйымдастыруымен “Тазалық пен адалдық — адамдықтың қасиеті” атты тазалық акциясы өткізілді.
Шара барысында ата-аналардың қадағалауымен 30 жасөспірім арық маңындағы қоқыстарды 30 қапқа жинады. Тазалық акциясы асық ату, қолкүрес, арқан тарту ойындарымен де жалғасып, жеңімпаздар арнайы марапатталды.