Байланыс
- info@yoursite.com
- 844-698-6394
- Тараз қаласы, Ы.Сүлейменов көшесі №5, Шерхан Мұртаза атындағы баспасөз үйі
Салтанатты шара Қазақстан Республикасының Мемлекеттік Туын енгізіп, Әнұран орындаумен басталды. Одан кейін 8-сынып оқушыларынан құралған «Жас сақшы» сыныбының тәрбиеленушілері ант қабылдап, арнайы куәліктерге ие болды.
Бастаманың негізгі мақсаты – жастардың бойында елжандылықты, заң мен тәртіпке құрметті қалыптастыру, сондай-ақ құқық қорғау саласына қызығушылықты арттыру. Осы бағытта Жамбыл облысы Мамандандырылған күзет қызметі басқармасы мен білім беру мекемесі арасындағы ынтымақтастықты күшейтуге арналған әріптестік келісімді дамыту мәселесі де көтерілді.
Іс-шараға құқық қорғау органдарының басшылығы, сала ардагерлері, педагогтер, ата-аналар және оқушылар қатысты. Қонақтарға арнайы қойылымдар, кинолог мамандарының көрсетілімі, би және музыкалық нөмірлер ұсынылды.
Сонымен қатар мектептің мәжіліс залында «Халық қаһарманы», полиция капитаны Ғазиз Байтасовтың ерлігіне арналған «Капитан Байтасов» көркем фильмі көрсетілді. Шара соңында жаңа сыныптың қызыл лентасы салтанатты түрде қиылып, жоба ресми түрде іске қосылды.