«Оңтүстік» өңірлік әскери қолбасшылығының құрылғанына 25 жыл толуына орай Тараз қаласының әкімдігі және аталған әскери қолбасшылықтың бірлесе ұйымдастыруымен әскери қызметшілер арасында жеңіл атлетикалық жүгіріс өтті.
Дүбірлі жарысқа 300-ге жуық әскери қызметші қатысып, төзімділік пен шеберлікті, ұжымдық рух пен спорттық жігердің үлгісін көрсетті. Жарыс қорытындысы бойынша әйелдер арасында І орынды – Айгерім Сыдықова, ІІ орынды – Аяжан Бейбітқызы, ІІІ орынды Балауса Байдарманова иеленді. 35 жасқа дейінгі ерлер арасында І орынды – Нұрзат Күнболатұлы, ІІ орынды – Ринат Кулыгин, ал ІІІ орынды Мұхит Әмірәліұлы еншіледі. Сонымен қатар 35 жастан асқан ерлер арасындағы аламанда І орын – Ғалымжан Махимовқа, ІІ орын – Бауыржан Мусырманқұловқа, ІІІ орын Нұржан Әбілқасымовқа бұйырды.
Жеңімпаздар мен жүлдегерлерге арнайы дипломдар мен медальдар табысталды.
Аман ЕСЕН