Қазақстандық спортшы-армрестлер Қыдырғали Оңғарбаев халықаралық East vs West турнирінде әлемнің 26 дүркін чемпионы, армрестлинг аңызына айналған Джон Брзенкті жеңді, деп хабарлайды Stan.kz ақпарат агенттігі.
Shardara.armsport Instagram-парақшасындағы мәліметке сәйкес, Оңғарбаев 58 жастағы Брзенкті 3:1 есебімен жеңген. Екінші қазақстанжыө Сарыбай Ердәулет әлемнің бірнеше дүркін чемпионы, түркиялық Юсуф Илдызоглуды 3:0 есебімен жеңді.
Оңғарбаев – танымал жаттықтырушы Арман Қарсыбаевтың шәкірті. Қыдырғали ауыр салмақта Қазақстан мен Азияның абсолютті чемпионы, әлем чемпионы және Әлем кубогының иегері.