Жақында ғана Үшарал ауылында 100 жылдық мерейтойы кең көлемде аталып өтілген Әбдір Сағынтаев ағамыздың кейінгі ұрпақтары қашанда қайырымдылық шараларының бел ортасында жүретіндігі баршаға мәлім. «Туған жерге туыңды тік» – деген қағиданы берік ұстанған Әбдір ағаның балалары әр кез игі бастаманың ұйытқысы болып келеді.
Бүгінде аудандық әкімі аппараты ғимаратының мәжіліс залында «Азия газ құбыры» ЖШС-нің Бас директоры Ғалымжан Сағынтаев тұрмысы төмен, көпбалалы аналарға көмектесу мақсатында ауданымыздағы «Нұр-Тау» қоғамдық қорына 5 миллион теңгенің сертификатын табыс етті.
Сертификатты Алматы қаласынан арнайы келген серіктестіктің аға инспекторы Бегалы Ералиев, қызметкерлер Жанар Шаймұханова мен Айжан Камалбек аудан әкімі Қанатбек Мәдібек пен «Нұр-Тау» қорының төрағасы Ақынбек Бектайға табыстады.
Өз кезегінде аудан басшысы Қанатбек Мәдібек аудан халқы атынан Ғалымжан Таймасұлына алғысын білдіріп, алдағы қызметіне сәттілік тіледі.
Талас ауданы әкімдігінің баспасөз қызметі