Бүгін Тараз қаласының әкімі шаһардың бірқатар тұрғындарын жеке сұрақтарымен қабылдады. Қабылдауға келген тұрғындар жер кезегі, балалар ойын алаңын салу, көше жолдарын күрделі жөндеуден өткізу мәселесін көтерді. Сондай-ақ қала басшысы азаматтардың Ауған соғысында қаза болған боздақтарға ескерткіш салып беру мен тұрмыстық қалдықтарды өңдейтін зауыт салу мәселесі туралы да ұсыныс-талаптарын тыңдады.
Қабылдауға келген әрбір тұрғынның сауалын мұқият тыңдаған Бақытжан Әмірбекұлы олардың заң аясында шешімін табатынын айтты.