Тергеу соты Атырау облысы әкімінің орынбасары Бақытгүл Хаменованы үйқамаққа жіберді,-деп хабарлайды “Jambyl-Taraz” ақпарат агенттігі Stan.kzсайтына сілтеме жасап.
Журналист Михаил Козачков телеграм-каналында аталған ақпаратты таратты.
«Сыбайлас жемқорлықпен күресушілер мен прокуратура шенеунікті екі ай мерзімге қамауға алуды сұрады, бірақ тергеу судьясы олардың дәлелдерімен келіспеді және Хаменованы үй қамауына жіберді. Бұл соттың шенеуніктің кінәлі екеніне күмәнданатынын білдіреді.
Оның үстіне, әкімнің орынбасары ақшаны қолына алмағаны анықталған. Оның Мәдениет басқармасының басшысы Ақылбек Рысқалиевпен, бәлкім, бұрын парамен ұсталған адаммен сөйлескені белгілі. Яғни ешкім оған ақша берген жоқ, Каспийге түсірмеді.
Егер бұл өзінің қарамағындағы адамның қасақана әрекеті болып шықса, таңғалмаймын. Бір сөзбен айтқанда, Хаменованы тұтқындауға рұқсат беруден бас тарту бұл қылмыстық істе бәрі бірдей айқын емес деп болжайды», – деп жазды журналист Михаил Козачков.
Мамандандырылған Атырау қалалық Тергеу сотында өткен сот отырысында Сыбайлас жемқорлыққа қарсы Іс-қимыл агенттігінің тергеушісі Хаменованы екі айға тергеу изоляторына қамауды сұрады. Алайда сот оны қамауға алуға негіз жоқ екенін айтып, оны үйқамаққа жіберді.
Сондай-ақ сот барысында тергеуші Бақытгүл Хаменованың басқа да күдіктілерге қысым көрсетуі мүмкін екенін айтты. Алайда сот тергеушінің уәжімен келіспеді.
“Антикор қызметкерлері мен прокатура шенеунікті екі айға қамауға алуды сұраған. Бірақ тергеу судьясы мұнымен келіспеді. Сөйтіп, Хаменованы үйқамаққа жіберді. Яғни сот шенеуніктің қылмыс жасағанына күмән келтіреді,- деді оның адвокаты Игорь Вранчев.
Естке салсақ, Бақытгүл Хаменова Атырау облысы әкімінің орынбасары болып 2020 жылдың наурыз айында тағайындалған болатын. Бұған дейін ол Мәжіліс депутаты болған.
Әкім орынбасары бұған дейін Жемқорлыққа қарсы қызмет тарапынан пара алды дегенкүдікпен ұсталған болатын.