Абай атындағы Жамбыл гуманитарлық жоғары колледжі мен Жүсіпбек Елебеков атындағы республикалық эстрадалық-цирк колледжі әріптестік байланыс орнатты.
Өнер саласындағы білім беру сапасын арттыру мақсатында Жүсіпбек Елебеков атындағы республикалық эстрадалық-цирк колледжімен серіктестік орнатылды. Колледж директорлары Жеңіс Сейдуллаұлы мен Саясат Есеев маман даярлаудағы тәжірибелерімен бөлісіп, алдағы уақытта бірлесе атқарылатын шаралардың жоспарын талқылады.
Кездесуде талқыланған маңызды мәселелер:
- Өнер саласындағы оқытушылардың біліктілігін арттыру;
- Бірлескен мәдени және шығармашылық жобаларды іске асыру;
- ҚР Оқу-ағарту министрлігіне ұсыныс жобасын әзірлеу.
Бұл әріптестік жас таланттардың кәсіби дамуына жаңа мүмкіндік беріп, шығармашылық саланың өркендеуіне өз үлесін қосады.