15 желтоқсанда еліміздің Тәуелсіздік күніне орай ұйымдастырылған онлайн-диктантқа 38 500 қазақстандық қатысты. Олардың 6906-ы диктантты 4 және 5-ке жазып шыққан. Stan.kz iPhone ұтысының нәтижесін жариялайды.
Айта кетсек, биыл онлайн-диктанттың мәтіні ретінде жазушы Бейбіт Сарыбайдың шығармасы таңдалып алынған еді. Жазба жұмысының мәтінін тележүргізушілер Мақсат Толықбай, Жанат Бақыт және Анна Данченко оқыды.
Онлайн-диктантты 4119 қатысушы 5-ке жазып шықса, 2798-і жазба жұмысынан 4 деген баға алған. Жалпы диктантқа 38 500 адам қатысқан.
IPhone смартфондарының ұтысының жеңімпаздары кездейсоқ сандардың таңдау тәсілі арқылы іріктелді.
Жаңа смартфондардың иелері:
Архимед Елеусіз Iphone 13
Едил Муратбаев Iphone SE
Сымбат Сейтжанова Iphone SE
Ескерту: Смартфон жеңімпаздар тұлғаларын растаған жағдайда ғана жіберіледі.
Біз ана тілін дамытуға үлес қосқаны үшін жазба жұмысының әрбір қатысушысы мен жобаның серіктестеріне алғыс білдіреміз!
Сіздер алдағы уақытта өткізілетін онлайн-диктанттан қапы қалмайсыздар деген сенімдеміз!
Жобаның басты демеушісі – Jusan Bank.
Бізді қолдағандар: Ақтөбе, Түркістан, Атырау, Алматы, Қызылорда, Маңғыстау, Жамбыл облыстары мен Шымкент қаласының әкімдіктері, «Хабар», «Алматы» телеарналары, Dostyk Plaza сауда, ойын-сауық орталығы.