Қазақстан боксшысы Нұрсұлтан Аманжолов (4-0, 3КО) Дубайда Wicked N’ Bad британиялық промоушені (БАӘ) ұйымдастырған кеште өнер көрсетті деп хабарлады turkystan.kz.
Н.Аманжолов угандиялық Шапи Мушотомен кездесті. Супер ауыр салмақтағы жекпе-жек төртінші раундта аяқталды. Аманжолов қарсыласын нокаутқа жіберді. Үшінші раундта, сондай-ақ рефери Мушотоға екі рет нокдаун жазды. Осылайша, Нұрсұлтан кәсіпқой бокста бесінші рет жеңіске жетті.
Айта кетейік, супер ауыр салмақтағы боксшымыз WBA, WBO, IBF нұсқалары бойынша әлем чемпионы, украиналық Александр Усиктің (19-0, 13КО) спарринг-қарсыластарының бірі.