Президенттің жаңа жолдауы қазақ жастарының келешегін асқар биікке шығарғалы отыр
Президенттің жаңа жолдауы – бүкіл еліміздің көңілінен шыққан, тың қарқын, тың серпін беретін Жолдау, өміріміздің күре тамырын түгел қамтитын тарихи құжат. Бұл әсіресе жастарға тікелей қатысты айтылған ұран десе де болады. Себебі, дүниені жаңғыртатын да, өзгертетін де, алдыңғы қатарға алып шығатын да жастар емес пе?!
Біз осы күндері жәй ғана қатардағы ел емеспіз, үйрене келіп, үйретуге айналған елміз. Билік айтатын, жауласқан елді бітімге шақыратын, бейбіт өмірдің туын тіккен елміз. Осының бәрі – Президентіміздің дана саясатының, қажыр-қайратының, мықты жігерінің арқасы.
Кеңестік дәуірде қарыштап дамып, келе жатқан Қазақстанды Сәкен Сейфуллин жүйткіп бара жатқан экспресске теңеп еді. Бүгін де көсегесі көгерген Қазақстан көкке қолын созған ғарыш кемесіне ұқсайды.
Президенттің Жолдауынан «сен жанбасаң лапылдап, мен жанбасам лапылдап, біз жанбасақ лапылдап, аспан қайтіп ашылад?!» – деп жар салған ұранды танимыз. Осылай дейді де ол: «Арыстандай айбатты, жолбарыстай қайратты мен жастарға сенемін!» – деп түйеді ойын.
Бүгінгі қиялдан озған шындық білім мен ғылымның ғажайып жетістігінің арнасы екені анық. Ал сол игілікті елімізге әкеліп, кенелтіп отырған ел қамқоры, кемеңгер басшымыз бар.
Жаңа жолдау сол білім мен ғылым кеңістігін айқара ашып, Қазақстан жастарының келешегін асқар биікке шығармақ.
Кабиева Айгүл Кабиқызы
“Жамбыл облыстық Әулие Ата Қазақ мәдени орталығы” ҚБ төраға орынбасары, өңірлік ҚХА мүшесі, М.Х.Дулати ат. Тараз қалалық өңірлік университетінің профессоры