Алматыда халал тойда, арақты жасырып ішкендердің беті ашылып қалды, деп хабарлайды Экспресс К.
Алматыда халал тойды харам қылған даяшы жігіт ұсталып қалды. Той иесінің тойды арақсыз өткізем деген ізгі ойы далада қалды. Тойда арақ жоғын білген қонақтардың бірі сырттан арақ сатып әкеліп, оны шәйнекке құйдырып жатқан сәтін намаз оқитын адамдардың бірі көріп, видеоға алған.
Таяуда ғана Ұмрада қажылықтан келген адам бұл әрекетті бірден той иесіне айтқанымен, ол шөлмекті таба алмады. Себебі, жұрттың бәрі шәйнекпен «шай» ішіп отырған. Кейін той соңында кейбір қонақтардың қызып қалғаны байқалған.