Этножурналистика саласындағы «Шаңырақ» республикалық шығармашылық байқауының ережесі

1.Жалпы ережелер

1.1. Этножурналистика саласындағы «Шаңырақ» республикалық шығармашылық байқауын (бұдан әрі – Байқау) өткізуге арналған осы Ереже Қазақстан халқы Ассамблеясының даму тұжырымдамасының іс-шаралар жоспарын жүзеге асыру мақсатында, сонымен қатар, Қазақстан Республикасы Мәдениет және ақпарат министрлігі Этносаралық қатынастарды дамыту комитеті төрағасының 2023 жылғы 27 қарашадағы № 5-НҚ бұйрығымен бекітілген Қазақстан Республикасы Мәдениет және ақпарат министрлігі Этносаралық қатынастарды дамыту комитетінің «Қоғамдық келісім» Республикалық мемлекеттік мекемесінің (бұдан әрі – «Қоғамдық келісім» РММ) Ережесіне сәйкес әзірленді.

1.2. Байқаудың басшылығы:

1) Байқаудың құрылтайшысы Қазақстан Республикасы Мәдениет және ақпарат министрлігі (бұдан әрі – Құрылтайшы);

2) Байқаудың ұйымдастырушысы ҚР МАМ ЭҚДК «Қоғамдық келісім» РММ  (бұдан әрі – Ұйымдастырушы).

1.3. Осы Ереже шығармашылық байқаудың өткізілу тәртібін және жарияланымдарды/жобаларды іріктеу критерийлерін айқындайды.

2. Байқаудың мақсаты және міндеттері

2.1. Байқаудың мақсаты –  этносаралық бірлік пен келісім тақырыбын телеарналарда, интернет ресурстарында және әлеуметтік желілерде кеңінен танымал ету.

2.2. Байқаудың міндеттері:

• этносаралық қатынастар саласындағы мемлекеттік саясаттың мәні мен мазмұнын ашатын, мәдениетаралық диалогты дамытуға ықпал ететін, этносаралық келісім мен бірлікті қамтамасыз ететін бейнематериалдарды ақпараттық кеңістікте тарату;
• күнделікті өмірдегі этносаралық қарым-қатынастың жағымды үлгілері туралы бейнематериалдар дайындау (жұмыс ұжымдарында, оқу, кәсіпкерлік, қиын өмірлік жағдайларда өзара көмек көрсету, этносаралық достық пен неке үлгілері, бірлескен қоғамдық іс-шаралар, әскери және мемлекеттік қызмет және т.б.) ;
• этностық топтар арасында мемлекеттік тілді үйренуді насихаттау, мемлекеттік тілді Қазақстан этностарының интеграциясының тиімді құралы ретінде көрсету;
• қоғамдажалпыұлттық бірлік пен қоғамдық келісім құндылықтарытақырыптарын жариялаудажәне оны ілгерілетудеәлеуметтік желілердің рөлін арттыру;
• халық арасында, оның ішінде түрлі этностар арасында азаматтық құндылықтарды, құқықтық сауаттылықты насихаттау және дамыту;
• азаматтық қоғам өкілдерін этносаралық келісім мен бірлікті қамтамасыз ету бойынша жұмысқа тарту, этносаралық коммуникациялар мен өзара бірлескен қызмет туралыжағымды тұрғыда жариялау.

3. Байқауға қатысушылар

3.1. Байқауға журналистер, бейнеоператорлар, студенттер, мобилографтар, блогерлер және бірегей бейнеконтент жасаумен айналысатын Қазақстан Республикасының азаматтары қатыса алады.

 

4. Байқау басшылығы

4.1. Байқау Құрылтайшысы Байқауға жалпы басшылықты жүзеге асырады.

4.2. Ұйымдастырушы:

• осы Ережеге өзгерістер мен толықтырулар енгізеді;
• Құрылтайшымен келісім бойынша Байқау комиссиясының құрамын қалыптастырады және бекітеді;
• Байқаудың барлық рәсімдерін өткізу тәртібін айқындайды және қамтамасыз етеді;
• assembly.kz сайтында және әлеуметтік желілердегі аккаунттарда Байқаудың жариялануы туралы ақпарат орналастырады, Байқаудың қорытындылары туралы бұқаралық ақпарат құралдары арқылы хабардар етеді.

4.3. Байқаудың жеңімпазын анықтау мақсатында Ұйымдастырушының қатысушылардан қосымша ақпарат сұратуға құқығы бар.

4.4. Байқау жеңімпаздарын қазылар алқасы айқындайды. Байқаудың қорытындысыБайқау комиссиясы отырысының хаттамасымен бекітіледі.

 

5. Байқауды өткізу тәртібі мен мерзімі

5.1. Байқауға мемлекеттік және орыс тілдерінде телеарналарда, интернет-ресурстарда, әлеуметтік желілерде, оның  ішінде  Instagram, YouTube, TikTok, Facebook-те ағымдағы жылғы 1 қаңтардан 1 қыркүйекке дейін жарияланған бейнероликтер қабылданады.

5.2. Байқау келесі тақырыптық бағыттар бойынша өткізіледі:

• қоғамдық келісім мен жалпыұлттық бірліктің қазақстандық моделінің мәнін ашу;
• этностар арасында мемлекеттік тілді қолдану аясын кеңейту;
• этносаралық және мәдениетаралық коммуникацияларды нығайту;
• этносаралық келісім мен жалпыұлттық бірлікті нығайтуға бағытталған азаматтық қоғам өкілдерінің қызметін жария ету;
• құқықтық сауаттылықты арттыру және азаматтық құндылықтарды дамыту.

5.3. Республикалық Байқауға қатысу үшін қатысушылар өтінімдерді түпнұсқада пошта арқылы DVD, CD форматындағы дискідегі материалдарды қоса отырып, флеш-тасығышта Ұйымдастырушының пошталық мекенжайына не толық пакетте электрондық түрде (сканерленген өтінімді pdf форматында қоса бере отырып)baspasoz@qkelisim.kz электрондық мекенжайына («Шаңырақ конкурсына» белгісі бар) 2024 жылдың 5 қазанына дейін жібере алады.

5.4. Байқаудың қорытындысы және үздік жұмыстары/жобалары үшін жеңімпаздарды марапаттау рәсімі ағымдағы жылдың IV тоқсанында  өтеді.

5.5. Байқауға өтінімдерді қабылдау күні аяқталғаннан кейін Ұйымдастырушыға ұсынылған немесе Байқау талаптарына сәйкес келмейтін өтінімдер қаралмайды.

5.6. Байқауға жіберілген материалдар рецензияланбайды, қайтарылмайды.

6. Байқаудың іріктеу критерийлері.

6.1. Материалдың байқау тақырыбына, мақсаты мен міндеттеріне сәйкестігі.

6.2. Тақырыптың  толық ашылуы.

6.3. Автордың шығармашылық көзқарасы, материалдың ерекшеліктері, креативтілігі және бірегейлігі.

6.4.Материалдың жаңалығы мен өзектілігі, объективтілігі мен шынайылығы.

6.5. Автор көтерген мәселелердің қоғамдық маңызы.

6.6. Этносаралық қатынастар саласындағы терминологияны дұрыс қолдану.

7. Байқауға өтінімді рәсімдеу талаптары.

 

7.1.  Әр қатысушы 1 (бір) өтінім тапсыра алады. Байқауға қатысу үшін бір өтініммен берілетін материал саны шектелмейді.

7.2. Байқауға қатысуға өтінім қатысушының келісімін білдіру және оның Байқауға қатысу үшін ұсынылған материалдарға авторлық құқықтарын және олардың осы Ережеде көзделген талаптар мен шарттарға сәйкестігін растау нысаны болып табылады.

7.3. Қатысушы Байқауға жұмыстарды ұсына отырып, кейін материалдарды Ұйымдастырушы тараптың пайдалануы үшін, оның ішінде БАҚ-та және әлеуметтік желілерде ілгерілету үшін берілгенін растайды;

7.4. Байқауға қатысу үшін өтінімнің мазмұны бойынша төмендегілер болуы тиіс:

• осы Ереженің 1-қосымшасында берілген нұсқаулыққа сәйкес үміткердің толтырылған өтінімі;
• өтінімнің Байқау талаптарына сәйкестігін растайтын қосымша құжаттар.

7.5. Байқаудың іріктеу критерийлеріне немесе конкурстық өтінімді беру талаптарына сәйкес келмейтін өтінімдер/материалдар қарастыруға қабылданбайды.

Байланыс телефондары + 7 7172 75 12 23, 8 705 301 49 78

E–mail:: baspasoz@qkelisim.kz

Қосымша  №1

 «ШАҢЫРАҚ» шығармашылық байқауына қатысу үшін

ӨТІНІМ

1. Қатысушы туралы мәліметтер:

1.	Толық аты-жөні	___________________________________
2.	Азаматтығы	___________________________________
3.	Туған күні, айы, жылы және жасы	___________________________________
4.	Байланыс ақпараты және электрондық мекенжайы	___________________________________
5.	Конкурсқа қатысушы туралы қысқаша ақпарат	___________________________________
6.	Видеоролик мазмұнының қысқаша сипаттамасы	___________________________________
7.	Видеороликтің жасалған күні	___________________________________
8.	Видеороликтің таратылым көздері	___________________________________
9.	Оқу/жұмыс орны	___________________________________
10.	Оқу бағыты/лауазымы	___________________________________

2. 2. Өтінімге дереккөздердің (БАҚ, әлеуметтік желілер) сілтемелері көрсетілген материалдардың/жұмыстардың/жобалардың тізімі немесе mp4 форматындағы видеоматериалдың өзі қоса берілуі тиіс. Жарияланым/материал көзіне сілтемелер (жарияланым немесе аккаунт/алаң қолжетімді болуы тиіс).

 

3. Шығармашылық материалдардың, жарияланымдардың түрлері/форматтары:

* Міндетті түрде сілтемелер көрсетілген БАҚ-та, әлеуметтік желілерде жарияланған бейнематериалдардың көшірмелері;

* DVD, CD, флеш-тасығыштағы дискідегі телебағдарламалардың жазбалары (немесе сілтемелер көрсетіледі).

4. Өтiнiмге күнiн және аты-жөнінің толық жазылуын көрсете отырып (А.Ә.Т), қатысушы мiндеттi түрде қол қоюға тиiс.