Жамбыл облысының әкімі Ербол Қарашөкеев жұмыс кестесіне сәйкес азаматтарды жеке мәселелері бойынша қабылдады.
Кездесу барысында қоғамдық көлік қатынасын жақсарту, жібек құртын өндіруді дамыту, коммуналдық тарифтер мен тұрғын үй мәселелері, сондай-ақ жеке сипаттағы ұсыныс-пікірлер көтерілді.
Ербол Қарашөкеев азаматтардың сауалдарына қолданыстағы заңнама талаптарына сәйкес жауап берді.
Қабылдау қорытындысында жауапты тұлғаларға көтерілген түйткілдерді жан-жақты зерделеп, кезек күттірмейтін өтініш-тілектер бойынша тиісті шешімдер қабылдау тапсырылды.