Ағымдағы жылдың 15 қарашасынан бастап республикалық маңызы бар жолдардың 4 жолақты қозғалысы бар, бірінші санатты 7 учаскесінде ақылы жүйе енгізілді. Олардың қатарында «Нұр-Сұлтан-Павлодар», «Қапшағай-Талдықорған», «Тараз-Қайнар», «Шымкент-Тараз», «Шымкент-Қызылорда», «Шымкент-Ташкент» және «Щучинск-Көкшетау» бағытындағы тас жолдар бар.
Жоғарыда аталған учаскелер бойынша ақылы жүйені енгізу туралы бұйрық әділет органдарында мемлекеттік тіркеу рәсімінен өтіп, ағымдағы жылдың 23 қарашасында заңды күшіне енеді. Соған сәйкес осы күннен бастап жол жүру ақысы алынатын болады.