Цифрландыру жұмыс іздеушілерге және қызметкерлерге көптеген қызметтерді жеңілдетуге көмектеседі. Мамандығы мен мүмкіндіктері бойынша жұмыс іздеп жүрген кез келген азамат Enbek.kz. порталында өз бетінше тіркеле алады.
Еліміздің еңбек нарығы «Цифрлық Қазақстан» бағдарламасын белсенді іске асырып, адам өмірінің барлық салаларын қамтитын ауқымды іс-шараларды жүргізуде. Enbek.kz электрондық еңбек биржасы – жұмыс іздеушілер мен жұмыс берушілер үшін бірыңғай цифрлық экономикалық жүйенің заманауи және ыңғайлы құралы. Қазіргі уақытта платформада әртүрлі пайдалы платформалар біріктірілген. Атап айтқанда, жұмысқа орналастыру порталы – enbek.kz, онлайн оқыту платформасы – skills.enbek.kz, кәсіпкерлік бастамалардың бірыңғай терезесі – business.enbek.kz, еңбек ресурстары порталы – hr.enbek.kz. Барлық порталдар өзара байланысты болғандықтан, пайдаланушылар бір рет тіркеліп сайттарға кіре алады. Порталда түйіндемені орналастыруға, ал жұмыс берушілер бос жұмыс орны туралы хабарландыруды жариялауға, әңгімелесуге шақыруға мүмкіндік бар.
Жұмыссыз ретінде тіркелу үшін онлайн-мүмкіндіктер жан-жақты қамтылған. Өтініш беруші ретінде электрондық цифрлық қолтаңба арқылы адам үш күн ішінде автоматты түрде жұмыссыз мәртебесін алады. Содан кейін ол жұмыспен қамтуды қолдау бойынша мемлекеттік шараларды өзі таңдайды. Жұмыс тәжірибесі жоқ түлектер уақытша жұмыс орындарына жіберілуі мүмкін. Цифрлық жүйе азаматтарды мамандық таңдаған сәттен бастап жұмыс берушімен еңбек шартын ресімдегенге дейін сүйемелдейді.
Цифрландыру азаматтарды жұмысқа орналастыру процесін жеңілдетті. Жеке іс автоматты түрде жасалады, қағаз жинаудың қажеті жоқ. Электрондық еңбек шарттарын есепке алудың бірыңғай жүйесі жұмыс берушіге қызметкер, оның білімі және еңбек өтілі туралы толық және сенімді ақпарат алуға көмектеседі. Ол үшін кәсіпкер-жұмыс беруші кәсіпорын туралы деректерді enbek.kz порталында тіркейді және растайды, содан кейін авторизациядан өтіп, «еңбек шарты» батырмасын басады. Қалқымалы терезеде қызметкер туралы ақпарат енгізу қажет. Портал толтыру үшін автоматты түрде элементтерді жасайды. Осыдан кейін жүйе деректерді өңдейді, мемлекеттік органдарда тіркеу туралы ақпаратты сұрайды және қызметкердің жеке ісін цифрлық форматта береді. Содан кейін портал шаблонға сәйкес дайын еңбек шартының макетін жасайды. Қажет болса, оған өзгерістер енгізуге болады. Кәсіпорын өзінің цифрлық құжаттар мұрағаты жүйесінде электрондық еңбек шартын жасай алады.
Электрондық еңбек биржасының сервисін «eGov mobile» мобильді қосымшасында да пайдалануға болады. Бұл оңай, жылдам және ыңғайлы.
Жастар көбінесе оқуды бітіргеннен кейін бірден жұмыс іздейді. Бірақ тәжірибесіз мамандарға жұмыс табу қиынырақ. Бұл тұрғыда ҚР еңбек нарығын дамытудың 2024-2029 жылдарға арналған тұжырымдамасы шеңберінде «Қоғамдық жұмыстар», «Әлеуметтік жұмыс орны», «Жастар практикасы», «Алғашқы жұмыс орны», «Ұрпақтар келісімшарты» сияқты мемлекеттік бағдарламалар – жастар үшін мемлекеттік қолдаудың маңызды шарасы.
Осы мемлекеттік бағдарламалар бойынша жолдамаларды Мансап орталықтары арқылы алуға болады. Порталда кәсіби біліктілікті арттыру үшін білім алу жолдары да көрсетілген. Ыңғайлы болу үшін порталдағы ақпарат екі тілде – қазақ және орыс тілдерінде ұсынылған.
Тараз қаласы әкімдігінің
жұмыспен қамту және
әлеуметтік бағдарламалар бөлімі