Атырау облысы мәслихатының депутаттары күш құрылымдарынан митингіге қатысушыларды соққыға жығуды тоқтатуды талап етті. Бұл туралы ҚазТАГ сайты жазды.
«Жақында Facebook желісінде Атырауда дөрекі күш қолданып, бейбіт шерушілерді жаппай ұстау болып жатқаны туралы жазбалар тарады. Бұндай жағдай біздің елде болмауы керек, бұл барлық ережелерге қайшы келеді деп есептейміз! Адам құқығының сақталуы маңызды! Сондықтан біз кеше ІІД, прокуратураға заңсыз әрекеттерді тоқтатуды талап етіп, сұраныс жібердік», – деді облыстық мәслихаттың депутаты Асылбек Жақиев.