Баян Мақсатқызы Назарбаевтың жиенінің әйелінің рейдерлікке қалай қатысы барын айтып беруге уәде берді, деп жазады «Адырна» ұлттық порталы.
Танымал продюсер Баян Мақсатқызы жүздеген қазақстандық кәсіпкердің ісін тартып алған танымал тұлғалардың есімдерін жария етуге уәде берді.
Продюсер, тележүргізуші және актриса Баян Мақсатқызы Instagram парақшасында Қазақстанның Тұңғыш Президенті Нұрсұлтан Назарбаевтың жиені Қайрат Сатыбалдының әйелі Гүлмира Сатыбалданың рейдерлердің бизнесті басып алу оқиғасына қатыстылығы туралы сұрақтарға жауап беретінін мәлімдеді.
«YouTube арналарының біріндегі шулы жарияланым көптеген сұрақтар туғызды, мен қысым мен қоқан-лоққыларға ұшырағандықтан, бар шындықты айтуға мүмкіндігім болмағандықтан, ұзақ уақыт үнсіз қалдым. Жақында мен күйеуімнің кәсібін қалай тартып алғаны туралы бар шындықты айтамын және әділ тергеуден үміттенемін» деп жазды Баян өзінің инстаграм парақшасында.