Жамбыл облысы, Байзақ ауданы әкімі аппаратының басшысы лауазымына Асылжан Құрманов тағайындалды.
Асылжан Тұрсыналыұлы 1981 жылы 15 қыркүйекте Жамбыл облысы, Байзақ ауданы, Ынтымақ ауылында дүниеге келген.
2002 жылы М.Х.Дулати атындағы Тараз мемлекеттік университетін «Әлеуметтік орта және сапа менеджменті» мамандығы және 2011 жылы Жамбыл гуманитарлық-техникалық университетін «Құқықтану» мамандығы бойынша бітірген.
Еңбек жолын 2002 жылы мемлекеттік емес жинақтаушы Тараз қаласы «Валют-Транзит қоры» ЖАҚ-ның маманы болып бастаған.
2003-2010 жылдары «Тараз» политехникалық колледжінің оқытушысы, директордың орынбасары, 2010-2012 жылдары Тараз қаласы «Өркениет» гумманитарлық-техникалық колледжінің атқарушы директоры болып қызмет еткен.
2012-2022 жылдары аралығында Жамбыл облысы әкімдігінің ішкі саясат басқармасының бас маманы, бөлімнің басшысы, 2022-2024 жылдары Жамбыл облысы әкімі аппаратының әлеуметтік-саяси мониторинг бөлімінің басшысы, қоғамдық даму бөлімінің басшысы қызметтерін атқарған.
Үйленген, төрт бала тәрбиелеп отыр.