Танымал әнші Ерке Есмахан арқа сүйер ер азаматының бар екенін білдіретін суретті желіде жариялады, деп хабарлайды Экспресс К.
Соңғы уақытта белгілі өнер иесінің жүзі бақыттан бал-бұл жайнап жүр. Себебі, ол арқасүйер ер азаматын жолықтырған көрінеді. Париждік жігіт Еркенің жүрегін жаулау үшін күнде құшақ-құшақ гүл мен қымбат әшекей бұйымдар сыйлайды екен. Ал Есмахан болса ғашығы сыйлаған гүл шоқтарын Instagram-дағы парақшасына жүктеуден жалығар емес.
Париж тосынсыйға толы болды. Бақыттымын сенімен, — деді Ерке Есмахан.
Ерке белгісіз ер азаматтың есімін әзірге құпия ұстап отыр. Осыдан бір жыл бұрын әнші өзінен 9 жас кіші Ninety One тобының экс-мүшесі A.Z, яғни Азамат Зенкаевпен көңіл жарастырып, кейін ғашықтар екі жаққа кеткен еді.
Өнер иесі бұл Францияға жұмыспен емес, қыдыру үшін келген еді.