Төтенше жағдайдың жойылғанына қарамастан Қазақстанның бірқатар өңірінде лаңкестікке қарсы операция жалғасады. Бұл туралы «Хабар 24» телеарнасының эфирінде ҚР Мемлекеттік хатшысы Ерлан Қарин мәлімдеді, – деп хабарлайды «Jambyl-Taraz» ақпарат агенттігі.
«Ертең бірқатар өңірде төтенше жағдай аяқталатынына қарамастан, кейбір аймақтарда антитеррорлық операция режимі жоғары деңгейде сақталады», – деді Қарин.
Оның айтуынша, республиканың құқық қорғау органдарына жағдайды тұрақтандыру шараларын қабылдаумен қатар, ақпараттық шабуылдарға тойтарыс беруге тура келеді.
«Алғашқы күндерден-ақ ашық ақпараттық шабуылдарға тап болдық. Әлі күнге дейін жалған ақпарат, түрлі сипаттағы жалған жаңалық тарататындар көп. Құқық қорғау органдары жағдайды тұрақтандыру үшін қолданып жатқан шаралардан басқа мен назар аударып, мен атап өткен ақпараттық шабуылдарға тойтарыс беруді бастайды», – деді Мемлекеттік хатшы.
Ол ақпараттық шабуылдар ішкі және сыртқы көздер арқылы ұйымдастырылып, жүзеге асырылатынын атап өтті. Мемлекеттік хатшы Қазақстандағы жағдайдың жалпы тұрақтанғанын айтты.
С