Әлеуметтік желіде автобустағы жылқының видеосы тарап кетті деп хабарлады turkystan.kz.
Видео Instagram-дағы Qumash парақшасында жарияланған.
«Қоғамдық көлікте атпен де жүруге болады екен. Сондай қызық көрініске осы автобустың жолаушысы болған алматылық оқырманымыз да куә болды» деп жазылған видеоның сипаттамасында.
Видеоға қатысты жұрттың пікірі әртүрлі.
«Адамдар не болып бара жатыр? Неге жануарларды бұлай қорлайды?!», «Осындай орынсыз әрекеттері үшін иесі жауапқа тартылуы керек», «Бұған автобус жүргізушісі қалай келісті?», «Жылқы жол ақысын төледі ме?» деп жазды интернеттегі белсенді азаматтар.