Алматы тұрғыны Рыста Тажмиева Нұр-Сұлтандағы ауруханаға коронавируспен түскен. Өкпесінің 85 пайызы зақымдалып, бір айдан аса жансақтау бөлімінде жатқан. Қазір қиын жағдайда жатқанына қарамастан оны ауруханадан шығармақ, деп хабарлайды «Jambyl-Taraz» ақпарат агенттігі Stan.kz сайтына сілтеме беріп.
Дәрігерлер Алматыға үйге тасымалдауға рұқсат бермеген, өйткені ол толықтай өздігінен тыныс ала алмайды. Жақындары пәтер жалдап, қарайласатын адам отырғызып, кислородты коцентратор сатып алмақ.
Жұбайы Жолдасбай Тәжмиев бір айдан астам уақыттан бері бірінші қалалық көпсалалы ауруханаға барып жүргенін айтады. Оның әйелін 2 қыркүйекте коронавируспен жедел жәрдеммен алып кеткен. Ол анасының жерлеу рәсімінен Нұр-Сұлтаннан келе жатқан. Алматыға үйге жете алмаған. Қазір әйелді ауруханадан шығармақ. Алайда оны тасымалдау өміріне қауіпті болып отыр.
Туыстары оны ауруханадан шығарудан қорқады.
“Менің тіпті мүмкіндігім жоқ. Пәтер жалдаймын ба? Содан кейін бұл оттегі жабдықтары. Оның үстіне медициналық білімім жоқ. Бірақ бұл дәрі-дәрмектерді біз сатып алдық, қажет болғанның бәрін мен алып келдім. Енді мен не істеу керектігін білмеймін”, – дейді ол.
Алматының 61 жастағы тұрғынының тыныс алуына қажетті оттегі концентраторының құны 300 мың теңгеден басталады. Астанадағы туыстарының тұрғын үй жағдайы науқас адамды қабылдауға мүмкіндік бермейді. Бірінші қалалық көпсалалы аурухананың қызметкерлері жағдайға түсінік беруден бас тартты.
Бірақ әйелдің жағдайы ауыр екенін растады. Дәрігерлердің айтуынша, олар қолдан келгеннің бәрін жасады, енді тек қалыпқа келтіру процесі қалды.
Жүргізілген емдеу аясында жағдайы айтарлықтай жақсарды. Қызуы түсті. Тыныс алу жеткіліксіздігінің белгілері сақталады және ұзақ уақытқа созылады (мүмкін бірнеше айға дейін). Сатурация – 5-7 литрге 98%. Қазіргі уақытта науқасқа үй күтімі мен қалыпқа келу процесі қажет.