Бүгін Президент Қасым-Жомарт Тоқаевтың Жетісу облысына жұмыс сапары басталды, деп хабарлайды Экспресс К.
Жетісу жұртшылығымен кездескен Қасым-Жомарт Тоқаев өңірдің транзиттік әлеуетіне тоқталды.
Бұл өңірдің транзиттік әлеуеті өте зор. Сондықтан, мұнда халықаралық көлік-логистика компанияларын тарту аса маңызды. Сол үшін «Қорғас — Шығыс қақпасы» арнайы экономикалық аймағы құрылған, — деді Тоқаев.
Ол оған құрғақ порт, логистикалық және индустриялық аймақтар кіреді деді. Бұл жерде 2026 жылдың соңына дейін 22 жобаны жүзеге асыру көзделіп отырғанын айтты.
Жалпы құны — 450 миллиард теңге шамасында. Дегенмен, жүкті түсіріп, қайта тиеуге арналған орындар және оны сақтайтын қоймалар салу қажет. Осы бағытта жаңа, заманауи жобаларды қолға алған жөн,— деді Президент.