Алматы маңында жол талғамайтын көлік микроавтобуспен соқтығысты. Көліктердің бірі төрт жасар бала мен әйелді қағып кеткен, деп хабарлайды Stan.kz ақпарат агенттігі.
Оқиға орнынан түсірілген видео әлеуметтік желіде тарап кетті.
Полицейлер жол апатының 2 қыркүйекте Қарасай ауданында Toyota Prado және Toyota Noah көліктерінің қатысуымен болғанын хабарлады.
«Жол талғамайтын көлікті 23 жастағы ер адам басқарған, ол Алматы-Бішкек тас жолының 26 шақырымында алдында келе жатқан Toyota Noah көлігімен соқтығысқан. Минивэн сырғып келіп, жүргіншілер жолымен өтіп бара жатқан әйел мен баласын басып кеткен», – деді Алматы облысы ІІД баспасөз қызметі.
Зардап шеккендер медициналық тексеруден өту үшін ауруханаға жеткізілді.