Алматы облысы Полиция департаментінің мәліметінше, жол апаты кеше сағат 21:40 шамасында Жамбыл ауданында Самсы мен Ақтерек ауылының арасында болды,-деп хабарлайды “Jambyl-Taraz” ақпарат агенттігі aikyn.kz сайтына сілтеме жасап.
Van Hool жолаушылар автобусы мен Mercedes Benz автокөлігі соқтығысып, үш адам қаза тапты. Тағы үш адам жарақат алды.
Жол ережесін сақтамаған жеңіл автокөлікте 6 адам болған. «Алматы–Бішкек» тас жолының 108-шақырымында Mercedes-Benz көлігінің 25 жастағы жүргізушісі рөлге ие бола алмай, жолдың қарсы бетіне шығып кетіп, жолаушылар автобусымен соқтығысқан.
Mercedes-Benz көлігінде болған үш адам оқиға орнында қаза тапты. Жарақат алған қалған үш жолаушы ауруханаға жеткізілді.
Ал автобустағы жолаушылар зардап шекпеген.